گزارش‌ها از تاجیکستان حاکی از آن است که در حاشیه نشست اعضای سازمان همکاری‌های شانگهای در دوشنبه، داکتر عبدالله عبدالله رییس اجرایی حکومت وحدت ملی، با امام‌علی رحمان رییس جمهور تاجیکستانی دیدار کرده است.


گزارش‌ها از تاجیکستان حاکی از آن است که در حاشیه نشست اعضای سازمان همکاری‌های شانگهای در دوشنبه، داکتر عبدالله عبدالله رییس اجرایی حکومت وحدت ملی، با امام‌علی رحمان رییس جمهور تاجیکستانی دیدار کرده است.
گفته شده که محور دیدار آقایان عبدالله و رحمان را امنیت و گسترش روابط دو کشور تشکیل می‌داد.
رییس جمهور تاجیکستان در صحبت‌هایش گفت که کشورش به روابط با افغانستان به عنوان دوست و همسایه اهمیت فراوان قایل است.
آقای رحمان در ادامه افزود که کشورش وضعیت افغانستان را دنبال می‌کند و امنیت و آرامی در تاجیکستان و منطقه را در گرو امنیت و آرامی در افغانستان می‌داند.
رییس اجرایی با تشکر از استقبال گرم آقای امام‌علی رحمان، تاجیکستان را از دوستان و متحدان استراتژیک و نزدیک افغانستان خواند و از میزبانی نشست سران حکومت‌های شانگهای توسط تاجیکستان قدردانی کرد.
در این نشست، دوطرف در باره امنیت، مبارزه مشترک با دهشت‌افگنی، قاچاق موادمخدر، همکاری و همگرایی منطقه‌ای، روابط منطقه‌ای افغانستان، افزایش دادوستد بازرگانی و جلب همکاری کشورهای منطقه برای تأمین صلح به رهبری و مالکیت مردم افغانستان به بحث و تبادل نظر پرداختند.


کد خبر: 36234