آخرین اخبارافغانستانسیاست
ترکمنستان: پروژه‌های بین‌المللی اقتصادی به ثبات افغانستان کمک می‌کند
قربانقلی بیردی محمدوف رییس جمهور ترکمنستان می‌گوید که اشتراک افغانستان در پروژه‌های بزرگ زیربنایی برای آوردن ثبات و اقتصاد در این کشور کمک خواهد کرد.
به گزارش خبرگزاری دید، قرباقلی بیردی محمدوف رییس جمهور ترکمنستان به تازگی گفته است که اگر افغانستان در پروژه‌های بین‌المللی بزرگ شرکت کند، وضعیت این کشور به ثبات می‌رسد.
رییس جمهور ترکمنستان گفته است: مهم‌ترین نیاز برای ثبات و توسعه اقتصادی پایدار افغانستان، ادغام موفق آن در روندهای اقتصادی منطقه‌ای و جهانی، اجرای پروژه‌های زیربنایی بزرگ با مشارکت مردم افغانستان است.
وی افزوده است: به باور من تطبیق موفقانه چنین پروژه‌های توسعه اقتصادی افغانستان را افزایش می‌دهد و فعالیت سرمایه‌گذاران خارجی را جلب می‌کند.
