ششمین نشست چهارجانبه افغانستان، چین، پاکستان و ایالات متحده امریکا با موضوع «پروسه صلح افغانستان» امروز (دوشنبه، ۲۴ میزان) در مسقط، پایتخت عمان برگزار می‌شود.
گفته می‌شود، در این نشست، روی اقدامات ضد تروریزم بحث و گفت‌وگو صورت می‌گیرد.
در همین حال، احمد شکیب مستغنی، سخنگوی وزارت امور خارجه می‌گوید:« معین وزیر امور خارجه و نماینده‌های شورای عالی صلح جهت اشتراک در این نشست به عمان سفر کرده‌اند.»
آقای مستغنی می‌افزاید:« این نشست به هدف بررسی تعهدات پاکستان بالای پروسه صلح که در نشست قبلی از آن سخن‌زد، می‌پردازد.»
این در حالی‌ست که شورای رهبری طالبان هفته گذشته گفته بود که هیچ هیئتی به این نشست نمی‌فرستد.
