طالبانو د خپلو جنایتونو په دوام په تیره یوه اوونۍ کې ۴۰۱ تروریستي فعالیتونه کړي، چې له امله یې ۴۶ ولسي وګړي شهیدان او ۹۳ تنه نور ټپیان شوې دي.

طالبانو د خپلو جنایتونو په دوام په تیره یوه اوونۍ کې ۴۰۱ تروریستي فعالیتونه کړي، چې له امله یې ۴۶ ولسي وګړي شهیدان او ۹۳ تنه نور ټپیان شوې دي.
د ملی امنیت شورا دفتر د راپور له مخی، طالبان په بې غورۍ سره د افغانستان خلکو او خپلو ژمنو پرضد عمل کوي او د تروریستي فعالیتونو له خاطره یې د هیواد د ۲۳ ولایتونو له ډلې تر ټولو زیات تلفات په هلمند، بادغیس او غور ولایتونو کې خلکو ته اوښتي دي.
د افغانستان د خلکو د سر او مال ساتنه د نظام له لومړیتوبونو څخه دی په داسې حال کې چې طالبانو په دوامداره توګه د بې دفاع او بې ګناه خلکو وژلو ته دوام ورکوي.
د ولسي خلکو وژل او هدف ګرځول د ټولو انساني، دیني، اخلاقي او جنګې ارزښتونو خلاف عمل دی، هغه څه چې طالبان يې په دوامداره توګه ترسره کوي.


کد خبر: 4592