د چین او هند تر منځ د سرحدي لانجې درې اوونۍ وشوې. د چبن د بهرنیو چارو وزارت د هند د بهرنیو چارو د وزیر د خبرو په غبرګون کې ویلي، اوسني حالات پنځه شپېته کاله وړاندې حالات نه دي.
د هند د بهرنیو جارو وزیر ارون جېټلي ویلي وو، دا ۱۹۶۲ ز کال نه دی چې هند په جګړه کې له چین نه ماته خوړلې وه.
د چین د بهرنیو چارو ورارت ویاند شوانګ ویلي، د هند بهرنیو چارو وزیر سم وایي، دا هند د ۱۹۶۲ ز کال په پرتله اوس بدل دی؛ نو چین هم د پخوا په پرتله ډېر بدل شوی دی.
دواړو هېوادونو سرحد کې زرګونه پوځیان ځای پر ځای کړي دي. د سکم په نوم سیمه کې د دواړو هېوادونو تر منځ لانجه ده.
بل خوا د چین د چارو یو شمېر شنونکي وایي، د دواړو هېوادونو تر منځ روان کړکېچ په یوې سختې جګړې اوښتی شي. د چین حکومتي رسنۍ هم وایي، که دغه کړکېچ په سم ډول حل نه شي؛ نو جګړه له امکانه لرې نه برېښي.


کد خبر: 3489