د ننګرهار ولايت چارواکي وايي، د دغه ولايت پچيراګام ولسوالۍ کې د خپل ماین چاودنې له امله ۷ تنه داعش وسله ووژل شول.
د ننګرهار د والي وياند عطاالله خوږياڼي د چنګاښ په ٢٨مه وويل چې دا چاودنه پرون د  پچيراګام ولسوالۍ د ګودرې په سیمه کې شوې ده.
هغه زياته کړه، چاودېدونکي توکي چې داعش وسله والو ترې ماینونه جوړول، د ملتان جان په نوم د يوه کس په کور کې ځاى پر ځاى شوي وو.
د نوموړي د معلوماتو له مخې، داعش وسله والو په ياد کور کې ماينونه جوړول چې يو ماين پرې چاودنه کړې او اووه کسان یې وژل شوي دي.
د يو بل خبر له مخې، افغان ځواکونو په پچيراګام ولسوالۍ کې د داعش وسله والو ګڼ  چاودېدونکي توکي له منځه وړي.
د ننګرهار د والي وياند دا خبر تایيد کړ خو په دې اړه يې جزئیات ورنه کړل.
داعش وسله والو هم په دې اړه څه نه دي ويلي.


کد خبر: 3918