آخرین اخبارجهانسیاست
نشست امنیتی هرات؛ ابراز نگرانی تاجیکستان از فعالیتهای تروریستی
خبرگزاری دید: در دهمین دور «نشست امنیتی هرات» تاجیکستان از فعالیتهای تروریستی در افغانستان ابراز نگرانی کرده است.
![](/wp-content/uploads/2022/11/photo_2022-11-29_10-21-22-1.jpg)
فرهاد سلیم معاون وزیر امور خارجه تاجیکستان در آغاز این نشست گفت که گروههای تروریستی در افغانستان افزایش یافته است. او از گروههای داعش و القاعده نامبرد.
این مقام تاجیکستانی افزود که تولید و قاچاق مواد مخدر نیز در افغانستان افزایش یافته است.
او در بخشی از سخنرانی خود افزود که تاجیکستان خواهان ایجاد یک حکومت همهشمول در افغانستان است: «سیاست تاجیکستان حمایت از ایجاد یک دولت فراگیر در افغانستان است که میتواند منجر به پایان جنگ نیم قرنی در افغانستان و دستیابی به عدالت اجتماعی شود».
این نشست امروز سهشنبه(۸قوس) برای دو روز در شهر دوشنبه پایتخت تاجیکستان برگزار شده است.
موضوع این نشست «نظام سیاسی همهشمول؛ الگوها و نقشه راه» است.