آخرین اخبارافغانستانخبر های مهمسیاست
آغاز دهمین دور «گفت‌وگوی امنیتی هرات» در دوشنبه
خبرگزاری دید: مراسم افتتاحیه دهمین نشست گفت‌وگوی امنیتی هرات با محوریت «نظام همه‌شمول سیاسی؛ الگوها و نقشه راه» در شهر دوشنبه تاجیکستان آغاز شد.
دهمین نشست گفت‌وگوی امنیتی هرات صبح امروز سه‌شنبه(۸ قوس) با محوریت نظام فراگیر سیاسی و با حضور دیپلمات‌های کشورهای منطقه و جهان، رهبران جامعه مدنی و محققان در شهر دوشنبه آغاز شد.
این نشست به مدت دو روز در تاجیکستان دایر می‌شود.
فرهاد سلیم معاون وزیر خارجه تاجیکستان در افتتاحیه این نشست گفته است که حضور گروه‌های تروریستی در خاک افغانستان افزایش یافته است.
وی افزود که کشت مواد مخدر نیز در افغانستان بیشتر شده است.
به گفته وی، ثبات در افغانستان باعث ثبات منطقه می‌شود.
پیش از سقوط نظام جمهوری، گفت‌وگوهای امنیتی هرات در شهر هرات برگزار می‌شد.
