افغانستان و تاجیکستان در بخش ورزش همکاری می‌کنند
مسئولان در ریاست تربیت بدنی و ورزش می‌گویند که پس از توافقات به‌دست آمده، قرار است افغانستان و تاجیکستان در بخش ورزش همکاری داشته باشند.
مسئولان در ریاست تربیت بدنی و ورزش می‌گویند که پس از توافقات به‌دست آمده، قرار است افغانستان و تاجیکستان در بخش ورزش همکاری داشته باشند.
به گزارش خبرگزاری دید، حمیدالله کبیر معاون فنی و مسلکی ریاست تربیت بدنی و ورزش که در هفتمین اجلاس کمیسیون‌های بین‌الحکومتی افغانستان و تاجیکستان در سکتور ورزش به آن کشور سفر کرده، می‌گوید که پس از این دو کشور همکاری‌های همه جانبه در بخش ورزش خواهند داشت.
کبیر افزود: هیئت افغانستانی و تاجیک پس از ختم اجلاس به تبادل متخصصین، ترینران و مدیران ورزش، حضور پر رنگ ورزشکاران افغانستان در مسابقات بین‌المللی تاجیکستان، برگزاری کمپ‌های تمرینی و تعلیمی مشترک، کورس‌های مربیگری، ارتقاء ظرفیت مدیران ورزش، ارتقاء ظرفیت بانوان ورزشکار و تبادل مواد علمی و آموزشی و حضور و دعوت در فیستوال‌های بین‌المللی بین دو کشور به توافق رسیدند.
