اوضاع نگران‌کننده افغانستان؛ رهبران تاجیکستان و ازبیکستان رایزنی کردند
امامعلی رحمان رییس جمهور تاجیکستان در تماس تیلفونی با شوکت میرضیایف همتای ازبیکستانی‌اش در باره اوضاع افغانستان و روابط دوجانبه تبادل نظر کرد.
به نقل از اکی پرس، شوکت میرضیایف رییس جمهور ازبیکستان روز گذشته در تماس تیلفونی با امامعلی رحمان همتای تاجیکستانی‌اش تولد وی را تبریک گفت.
دو طرف روی موضوعات مختلف و همکاری‌های دوجانبه رایزنی کرده‌اند.
رهبران دو کشور همچنین در مورد مسایل مختلف منطقه‌ای و بین‌المللی، به شمول آخرین تحولات در افغانستان گفت‌وگو کردند.
رییس جمهور تاجیکستان در این تماس گفته است: بدون توجه به موقعیت تمام مردم افغانستان، به خصوص اقلیت‌ها در این کشور، تاجیکستان حکومتی را که از طریق ظلم تشکیل شود، به رسمیت نمی‌شناسد.
این در حالی است که با روی کار آمدن حکومت طا-لبان پس از خروج غرب از این کشور، کشورهای منطقه و جهان آن را همه‌شمول نمی‌داند.
