آخرین اخبارافغانستانحقوق بشرسیاست

تاجیکستان حدود ۲۰۰ پناهنده افغانستانی را اخراج کرده است

خبرگزاری دید: برخی منابع از اخراج نزدیک به ۲۰۰ پناهجوی افغانستانی در سه هفته اخیر از سوی دولت تاجیکستان خبر داده‌اند.


گفته می‌شود که شماری از خانواده‌ها پناهنده نیز به دلیل ترس از اخراج اجباری، به سفارت افغانستان در تاجیکستان پناه برده‌اند.
سازمان‌هایی که با پناهندگان افغانستانی کار می‌کنند، به آنها توصیه کرده‌اند تا از ترک خانه، به استثنای وضعیت کاملاً ضروری، خودداری کنند.
یک پناهجویان افغانستانی که خواسته نامش فاش نشود، به یک رسانه امریکایی گفته است: « امروز سه نفر از همسایه‌هایم اخراج شدند. تاکنون هیچ اطلاعی در مورد دلایل اخراج آنان ارائه نشده است».
شماری از پناهجویان افغانستانی در تاجیکستان پیش از این به رسانه‌ها گفته بودند که با وجود داشتن اسناد قانونی کمیساری عالی پناهندگان سازمان ملل، تاجیکستان با جبر و برخورد خشن دست به اخراج آنان زده‌ است.
آن‌ها گفته اند که تمام دارایی‌های‌شان ضبط شده و به افغانستان فرستاده می‌شوند.
در آغاز سال جاری، سفارت افغانستان در تاجیکستان اعلام کرد که حدود ده هزار مهاجر افغانستانی در این کشور حضور دارد. از آن زمان حدود ۴۰۰۰ نفر آنها اقامت کانادا را کسب کرده‌اند.
کمیساری عالی پناهنگان سازمان ملل اخیراً از تاجیکستان خواست تا اخراج اجباری پناهجویان افغانستانی را متوقف کند.
این کمیساری در اعلامیه‌ای گفته است که «بازداشت و اخراج پناهجویان» زندگی آنها را با خطر مواجه می‌سازد.

نوشته های مشابه

دکمه بازگشت به بالا