آخرین اخبارسیاستمنطقه
تعهد قزاقستان برای ارایه کمک‌های نظامی به تاجیکستان و قیرقیزستان
خبرگزاری دید: قزاقستان وعده داده است برای حمایت از تاجیکستان و قیرقیزستان به خاطر تهدیدات امنیتی ناشی از افغانستان کمک‌های تخنیکی نظامی ارایه کند.
به نقل از کاسپین نیوز، مجلس نمایندگان پارلمان قزاقستان به تازگی در جلسه‌ای موافقت‌نامه‌های مربوط به کمک‌های فنی- نظامی به قرقیزستان و تاجیکستان را تصویب کرد.
روسلان شپکبایف معاون وزیر دفاع قزاقستان متعهد شده است که مهمات و تجهیزات ویژه را با هزینه این کشور به تاجیکستان و قرقیزستان تحویل دهد.
انتقال این تجهیزات از طریق راه‌آهن از ایستگاه «اوتار» در منطقۀ ژامبیل قزاقستان به ایستگاه «روحاتی» تاجیکستان در دوشنبه انجام خواهد شد.
این تحولات در حالی صورت می‌گیرد که با روی کار آمدن حکومت طا-لبان در افغانستان، کشورهای همسایه نگران تهدیدات امنیتی و تروریستی اند.
