تمایل ازبیکستان و تاجیکستان برای نگه‌داشتن طیاره‌های افغانستان

خبرگزاری دید: مقامات امریکایی می‌گویند که ازبیکستان و تاجیکستان از واشنگتن خواسته برخی از طیاره‌هایی که از افغانستان به این کشورها برده شده را نگه دارند.

مقامات امریکایی به رویترز گفته‌اند که ازبیکستان و تاجیکستان از دولت ایالات متحده خواسته تا هواپیماهایی را که در جریان سقوط کابل به این کشورها منتقل شده‌اند، نگه دارند.
مقامات امریکایی افزوده‌اند که واشنگتن در حال بررسی درخواست‌های کشورهای آسیای میانه برای نگهداری برخی از این طیاره‌ها است.

پیلوت‌های افغانستان که پس از سقوط کابل از افغانستان فرار کرده‌اند، تخمین می‌زنند که آنان ۴۶ طیاره را به ازبیکستان و ۱۷ طیاره دیگر را به تاجیکستان برده‌اند.
گفتنی است که در جریان سقوط کابل در ماه اگست، شماری از پیلوت‌ها و نیروی قوای هوایی افغانستان به ازبیکستان و تاجیکستان فرار کردند.