آخرین اخبارسیاستمنطقه

داکتر عبدالله برای اشتراک در نشست سران شانگهای به دوشنبه رفت

داکتر عبدالله عبدالله رییس اجرایی حکومت وحدت ملی برای اشتراک در نشست سران کشورهای عضو سازمان همکاری‌های شانگهای به تاجیکستان رفت.


داکتر عبدالله عبدالله رییس اجرایی حکومت وحدت ملی برای اشتراک در نشست سران کشورهای عضو سازمان همکاری‌های شانگهای به تاجیکستان رفت.
این هفدهمین نشست سران کشورهای عضو شانگهای است که در دوشنبه پایتخت تاجیکستان برگزار می‌شود.
به گزارش خبرگزاری دید، امروز پنجشنبه (۱۹ میزان) داکتر عبدالله در راس یک هیئت بلندپایه‌ دولتی به منظور اشتراک در هفدهمین اجلاس سران حکومت‌های سازمان همکاری‌شانگهای عازم دوشنبه پایتخت تاجیکستان شد.
در این سفر صلاح‌الدین ربانی وزیر امورخارجه و تعدادی از مسئولان حکومتی، داکتر عبدالله را همراهی می‌کنند.
داکتر عبدالله، در اجلاس سران کشورهای عضو سازمان شانگهای که سالانه برای ارزیابی وضعیت منطقه و سیاست‌های این سازمان برگزار شود، به نمایندگی از دولت افغانستان اشتراک و سخنرانی می‌کند.
رییس اجرایی در حاشیه‌ نشست سران کشورهای عضو شانگهای با رییس جمهور تاجیکستان، نخست‌وزیر روسیه، نخست‌وزیر جمهوری خلق چین٬ نخست‌وزیر جمهوری ازبیکستان، نخست‌وزیر جمهوری قزاقستان٬ نخست‌وزیر جمهوری قرغیزستان٬ نخست‌وزیر جمهوری تاجیکستان، نخست‌وزیر بلاروس و وزیر امورخارجه هند دیدار می‌کند.

نوشته های مشابه

دکمه بازگشت به بالا