آخرین اخباراسلایدشوافغانستانخبر های مهمروند صلحسیاست
داکتر عبدالله روانه تاجیکستان شد
رییس شورای عالی مصالحه ملی صبح امروز دوشنبه( ۱جدی) برای جلب کمک به روند صلح روانه دوشنبه، پایتخت تاجیکستان شد.
به گزارش خبرگزاری دید، داکتر عبدالله عبدالله رییس شورای عالی مصالحه ملی صبح امروز روانه تاجیکستان شد.
سپیدار می‌گوید که این سفر به هدف تقویت اجماع منطقه‌ای برای صلح و در ادامه سفرهای منطقه‌ای عبدالله عبدالله برای جلب حمایت از تلاش‌های صلح بنا بر دعوت رسمی کشور میزبان صورت گرفته است.
قرار است عبدالله در این سفر با امام‌علی رحمان رییس جمهور، قاهر رسول‌زاده نخست‌وزیر، محمد طاهر ذاکرزاده رییس مجلس نمایندگان و سراج‌الدین مهرالدین وزیر امور خارجه آن کشور، درباره روند صلح، چالش‌ها و فرصت‌های پیش رو بحث و گفت‌وگو کند.
آقای عبدالله به هدف جلب حمایت کشورهای مختلف از روند صلح به کشورهای منطقه سفر کرده است.
