آخرین اخباراسلایدشوافغانستانسیاست
روند صلح؛ گفت‌وگوی رییس جمهور غنی با همتای تاجیکش
محمد اشرف غنی رییس جمهور کشور با امام علی رحمان رییس جمهور تاجیکستان، صحبت تیلفونی کرد.
به گزارش خبر گزاری دید، محمد اشرف غنی رییس جمهور کشور امروز پنجشنبه (۲۳ دلو) با رییس جمهور تاجیکستان تماس تیلفونی داشت که در این مکالمه تیلفونی، سران دو کشور در مورد گسترش روابط دوجانبه، پروسۀ صلح افغانستان و همکاری‌های منطقه‌ای بحث و تبادل نظر کردند.
رؤسای جمهور هر دو کشور بر گسترش همکاری‌های اقتصادی، تجارتی و سرحدی تاکید ورزیدند.
در همین حال، رییس جمهور تاجیکستان از رییس جمهور غنی به خاطر اشتراک در ۲۰ مین سالگرد تاسیس سازمان همکاری‌های شانگهای که قرار است در ماه مارچ در تاجیکستان برگزار گردد، دعوت کرد.
امام علی رحمان حمایت خویش را از دیدگاه‌ها و برنامه‌های حکومت افغانستان در عرصه اتصال منطقه‌ای و پروسه صلح به رهبری و مالکیت مردم افغانستان ابراز کرد.
