آخرین اخبارافغانستانروند صلحسیاست

عبدالله با مقامات تاجیکستان در باره روند صلح گفت‌وگو کرد

عبدالله عبدالله رییس شورای عالی مصالحه ملی در سفر به تاجیکستان با رییس مجلس نمایندگان و نخست‌وزیر آن کشور ملاقات کرد.
به گزارش خبرگزاری دید، عبدالله عبدالله رییس شورای عالی مصالحه ملی کشور که صبح امروز دوشنبه(۱ جدی) در رأس هیئتی برای جلب حمایت‌ کشورهای منطقه به دوشنبه پایتخت تاجیکستان رفته بود، با محمد طاهر زاکرزاده رییس مجلس نمایندگان و قاهر رسول‌زاده نخست‌وزیر آن کشور در مورد روند صلح بحث و تبادل نظر کرد.


آقای عبدالله در این سفر دو روزه تاجیکستان را متحد نزدیک افغانستان خوانده و در چند رشته توییت گفت که که دیدارهای سازنده‌ای با مقامات آن کشور داشته است.
دفتر مطبوعاتی شورای عالی مصالحه ملی هدف سفر داکتر عبدالله را به تاجیکستان، گفت‌وگو در مورد روند صلح و جلب پشتیبانی منطقه از صلح در افغانستان و روابط دو جانبه می‌خواند.

به گفته آقای عبدالله، مقامات تاجیکستان از پشتیبانی خود نسبت به تلاش‌های صلح به وی اطمینان داده‌اند.
گفتنی است که از زمان تشکیل شورای عالی مصالحۀ ملی، آقای عبدالله برای گفت‌وگو در مورد روند صلح افغانستان به چندین کشور منطقه سفر کرده است.

نوشته های مشابه

دکمه بازگشت به بالا