قیرقیزستان خواستار تداوم کمک‌های بشردوستانه به افغانستان شد

خبرگزاری دید: رییس جمهور قیرقیزستان در نشست مجازی با کشورهای همسایه افغانستان خواستار ادامه کمک‌های بشردوستانه به افغانستان شد.

به نقل از آناتولی، صدر جباروف رییس جمهور قیرقیزستان روز گذشته در نشست مجازی که به مناسبت ۳۰اُمین سالگرد برقراری روابط دیپلماتیک بین چین و کشورهای آسیای میانه برگزار شده بود، خواستار ادامه تلاش‌های مشترک برای برقراری صلح پایدار در افغانستان و تداوم کمک‌های بشردوستانه به مردم این کشور شد.
وی تصریح کرده است که پروژه‌های زیرساختی چین برای شکوفایی این کشور در زمینه حمل و نقل، انرژی، صحت، آبیاری و تحصیل اهمیت زیادی دارد.
در این نشست، رهبران چین، قزاقستان، تاجیکستان، ترکمنستان و ازبیکستان نیز حضور داشتند.