میزبانی ازبیکستان از کنفرانس بین‌المللی در مورد افغانستان
انستیتوت مطالعات استراتژیک و منطقه‌ای ازبیکستان تحت نظارت ریاست جمهوری این کشور، کنفرانس بین‌المللی را در مورد ثبات و همکاری‌های اقتصادی در افغانستان با حضور کارشناسان و نمایندگان کشورهای آلمان، پاکستان، افغانستان، قزاقستان، قرغیزستان، تاجیکستان و ازبیکستان برگزار کرد.
انستیتوت مطالعات استراتژیک و منطقه‌ای ازبیکستان تحت نظارت ریاست جمهوری این کشور، کنفرانس بین‌المللی را در مورد ثبات و همکاری‌های اقتصادی در افغانستان با حضور کارشناسان و نمایندگان کشورهای آلمان، پاکستان، افغانستان، قزاقستان، قرغیزستان، تاجیکستان و ازبیکستان برگزار کرد.
به نقل از خبرگزاری ملی ازبیکستان، این کنفرانس به میزبانی انستیتوت مطالعات استراتژیک و منطقه‌ای تحت هدایت رییس جمهور ازبیکستان با حضور نمایندگان بنیاد «کونراد آدناوئر برای آسیای مرکزی» و کارشناسان و روسای مراکز تحقیقاتی آلمان، افغانستان، قزاقستان، قرغیزستان، تاجیکستان و ازبیکستان برگزار شد.
در این کنفرانس مسائل مربوط به حل صلح‌آمیز جنگ در افغانستان و نقش کشورهای آسیای مرکزی در احیای اقتصاد افغانستان به بحث گرفته شده است.
به گفته مسئولان انستیتوت مطالعات استراتژیک و منطقه‌ای، در کنار توافق صلح، توسعه همکاری‌های اقتصادی-تجاری با کشورهای آسیاسی مرکزی برای ثبات پایدار افغانستان حیاتی است.
ازبیکستان تطبیق پروژه‌های زیربنایی و اقتصادی را از اولویت‌های پالیسی خود نسبت به افغانستان می‌داند.
برآیند این کنفرانس که از طریق ویدئو کنفرانس برگزار شد، این بوده که تحکیم تلاش‌های جامعه جهانی در تطبیق پروژه‌های اقتصادی و زیربنایی به برقراری صلح و ثبات در افغانستان کمک خواهد کرد.
