آخرین اخبارسیاستمنطقه
نشست امنیتی بین‌المللی در باره افغانستان فردا در تاجیکستان برگزار می‌شود
خبرگزاری دید: بر اساس گزارش رسانه‌های تاجیکستان، این کشور فردا میزبان نشست امنیتی بین‌المللی در مورد وضعیت افغانستان است.
این نشست امنیتی قرار است با حضور روسیه، چین، هند، ایران و دیگر کشورها فردا پنج‌شنبه (۵ جوزا) در دوشنبه، پایتخت تاجیکستان برگزار شود.
آسیاپلس گزارش داده است که اوضاع افغانستان، امنیت منطقه و کشورهای همسایه محور اصلی این نشست است.
هرچند رسانه‌های تاجیکستان این خبر را تأیید می‌کنند، اما وزارت خارجه تاجیکستان به‌گونه رسمی برگزاری این نشست را اعلام نکرده است.
در پی به قدرت‌رسیدن طا-لبان در افغانستان، کشورهای همسایه از جمله تاجیکستان بیشتر از پیش نگران امنیت‌شان شده‌اند.
کارشناسان احتمال می‌دهند که نا آرامی‌های اخیر در منطقه گورنو-بدخشان تاجیکستان از عوامل اصلی برگزاری این نشست است.
