آخرین اخبارسیاستمنطقه
چین دیده‌بانی پولیس به ارزش ۸.۶ میلیون دالر در تاجیکستان می‌سازد
مقامات تاجیکستان می‌‌گویند که جمهوری خلق چین ۸.۶ میلیون دالر برای ساخت و تجهیز یک دیده‌بانی پولیس در نزدیک مرز افغانستان در تاجیکستان ایجاد می‌کند.
به نقل از یوراسیا نت، عبدالرحمن علمشاه‌زاده معاون اول وزیر داخله تاجیکستان به پارلمان این کشور گفته است که چین برای ساخت یک دیده‌بانی پولیس در نزدیک مرز افغانستان ۸.۶ میلیون دالر هزینه خواهد کرد.
برای ساخت این تاسیسات، علمشاه‌زاده گفته است که منطقه‌ای در «واخان» تاجیکستان نزدیک دهلیز واخان افغانستان که ۲۰ کیلومتر با ولایت خیبرپختونخوا پاکستان فاصله دارد، در نظر گرفته شده است.
بر بنیاد این گزارش، چین پس از ساخت و تجهیز این امکانات، آن را به نیروی امنیتی تاجیکستان تحویل می‌دهد.
گفتنی است که چین در این واخر روی تقویت امنیت مرزهای خود کار می‌کند.
