کشته شدن دو تن در زد و خورد مرزی میان تاجیکستان و قرقیزستان
خبرگزاری دید: در نتیجه درگیری بین نیروهای مرزی تاجیکستان و قیرقیزستان ۲ فرد ملکی کشته شده است. اوضاع اکنون تحت کنترول است.
به نقل از آسیا پلس، در نتیجه درگیری شب‌هنگام بین نیروی مرزی تاجیکستان-قیرقیزستان، ۲ فرد ملکی در تاجیکستان کشته شده است.
کمیته امنیت ملی تاجیکستان همچنین گفته است: ۱۰ نفر، شش عضو خدماتی و ۴ ملکی در جانب تاجیکستان زخمی شده‌اند.
این کمیته افزوده است که دو فرد ملکی نیز کشته شدند.
در همین حال، وزارت صحت قیرقیزستان اعلان کرده است که ۱۱ شهروند این کشور در شفاخانه‌ها تداوی شده‌اند.
حدود ۱ هزار و ۵۰۰ شهروند قیرقیزستانی نیز از منطقه‌ای که درگیری به وقوع پیوسته، تخلیه شدند.
کمیته امنیت ملی تاجیکستان گفته است: در حال حاضر، وضعیت مرزی تاجیکستان و قیرقیزستان آرام است، دلایل و عوامل این درگیری از سوی کمیسیون مشترک نهادهای دو طرف تحت بررسی است.
این درگیری که پنجشنبه‌شب بین دو کشور رخ داده، خونین‌ترین رویداد دو کشور محسوب می‌شود.
