کمک ۱۷۰ تنی ازبیکستان به افغانستان

خبرگزاری دید: وزارت خارجه ازبیکستان اعلام کرده که این کشور ۱۷۰ تن مواد غذایی و غیر غذایی به افغانستان کمک کرده‌ است.

وزارت خارجه ازبیکستان با نشر خبرنامه‌ای گفته که دولت این کشور ۱۷۰ تن کمک‌های بشردوستانه شامل آرد، گندم، برنج، روغن، پوشاک و کفش به افغانستان ارسال کرده است.
این وزارت همچنین گفته که این کمک‌ها از راه زمینی به بندر حیرتان در ولایت بلخ ارسال و توسط عصمت‌الله ایرگشوف نماینده ویژه رییس‌ جمهور ازبیکستان در امور افغانستان به مقام‌های طا-لبان تحویل داده شده ‌است.
این در حالی است که ازبیکستان از هفته به این طرف برق صادراتی‌اش را به افغانستان قطع کرده است.