گروه‌های کاری هیئت‌های افغانستان و طالبان تشکیل شد
برخی از اعضای هیئت گفت‌وگوکننده دولت افغانستان می‌گویند که بعد از ختم مراسم افتتاحیه مذاکرات بین‌الافغانی، گروه‌های کاری تشکیل شده تا نمایندگان دو طرف روی موضوعات مختلف گفت‌وگو کنند.
به گزارش خبرگزاری دید، فوزیه کوفی عضو هیئت گفت‌وگو کننده حکومت افغانستان به رسانه‌ها گفته است که دو گروه کاری پنج نفری از حکومت افغانستان و طالبان تشکیل شده که روی آجندا کار کنند.
در نشست افتتاحیه مذاکرات میان حکومت افغانستان و گروه طالبان وزرای خارجه و مقامات بلندپایه قطر، ایالات متحده امریکا، ناروی، ترکمنستان، چین، اندونیزیا، ازبکستان، ترکیه، آلمان، پاکستان، هند، اسپانیا، فنلند، انگلستان، جاپان، اتحادیه اروپا، دبیرکل ناتو، دبیرکل سازمان ملل متحد و سکرترجنرال سازمان کنفرانس اسلامی اشتراک و سخنرانی کردند.
گفت‌وگوهای بین‌الافغانی امروز به گونه رسمی افتتاح شد و قرار است نخستین دوره آن به روز دوشنبه، ۲۴ سنبله برگزار گردد.
