۲۱ شهروند افغانستان از زندان‌های امارات متحده عرب آزاد شدند
وزارت امور خارجه می‌گوید که ۲۱ تن از شهروندان افغانستان که در زندان‌ها و توقیف‌خانه‌های شهر دبی امارات متحده عربی به سر می‌بردند، به وطن برگشتند.
به گزارش خبرگزاری دید، وزارت امور خارجه امروز یکشنبه(۵ دلو) در اعلامیه‌ای گفت که ۲۱ تن از شهروندان کشور پس از آزادی از زندان‌های دبی به افغانستان برگشتند.
در اعلامیه آمده است: «بیست‌ویک تن از شهروندان افغانستان که در زندان‌ها و توقیف‌خانه‌های شهر دبی بسر می‌بردند، در اثر سعی و تلاش جنرال کنسولگری افغانستان مقیم دبی و همکاری نهاد‌های عدلی و قضایی امارات متحده عربی، از حبس رها گردیده و به حمایت مالی وزارت امور خارجه و دولت جمهوری اسلامی افغانستان، امروز به وطن برگردانده شدند».
این وزارت در ادامه افزود که طی چند ماه اخیر، در مجموع ۲۱۰ تن از محبوسین افغانی از زندان‌های دبی آزاد شده و به کشور بازگشته‌اند.
