صدیق صدیقی سخنگوی ریاست جمهوری می‌گوید که صلح اولویت است، اما باید به رهبری و مالکیت دولت افغانستان به پیش برده شود.
صدیق صدیقی سخنگوی ریاست جمهوری می‌گوید که صلح اولویت است، اما باید به رهبری و مالکیت دولت افغانستان به پیش برده شود.
به گزارش خبرگزاری دید، صدیق صدیقی سخنگوی ریاست جمهوری در خبرنامه‌ای گفته است که اگر روند صلح به رهبری و مالکیت افغانستان پیش برده شود، منجر به صلح پایدار و با عزت در افغانستان می‌گردد.
وی در توییتی امروز چهارشنبه (۱۰ میزان) با بیان این که صلح خواست عمده مردم افغانستان است، می‌گوید:« درپروسه صلحی که دولت افغانستان مالکیت و رهبری آن را نداشته باشد، هیچ گونه پیشرفتی را شاهد نخواهیم بود.»
این در حالی است که هیئت گروه طالبان به رهبری ملابرادر معاون سیاسی این گروه و زلمی خلیلزاد نماینده خاص وزارت خارجه امریکا در امور صلح افغانستان به پاکستان سفر کرده‌اند.
