ملا برادر: وزارت خارجه ازبیکستان جواب نامه‌های ما را نمی‌دهد
خبرگزاری دید: ملا عبدالغنی برادر معاون اقتصادی رئیس الوزرای حکومت سرپرست به وزیر خارجه اوزبیکستان شکایت برده است که وزارت خارجه تاشکند به نامه‌های این گروه مبنی بر عقد دو موافقتنامه دوجانبه و سه‌جانبه هیچ پاسخی نمی‌دهد.
به نقل از تلویزیون ملی ؛ آقای برادر در نشست روز ۳ شنبه‌ی خود (۲۲ حوت) با بختیار سعیدوف وزیر خارجه ازبیکستان گفته است: این گروه “مکتوب توافقنامه تجارت ترجیحی میان افغانستان و اوزبیکستان را به وزارت خارجه اوزبیکستان ارسال کرده‌اند اما تاکنون پاسخ آن را دریافت نکرده است.” او ابراز امیدواری کرد که این موافقتنامه به زودی امضا شود و روابط اقتصادی افغانستان و اوزبیکستان دوباره گسترش یابد.
ملا برادر همچنین تصریح نمود که وزارت خارجه اوزبیکستان به درخواست طا-لبان در مورد موافقتنامه سه‌جانبه افغانستان، اوزبیکستان و قزاقستان نیز که به این وزارت فرستاده شده، پاسخ نداده است.
این نگرانی گروه حاکم ابهامات بسیاری با خود در پی دارد اما این در حالی‌ست که سعیدوف در سفرش به کابل از تمایل این کشور برای سرمایه گذاری در پروژه‌های اساسی مانند معادن و تولید برق در افغانستان خبر داد.
