دو شهروند چینایی در کراچی پاکستان زخمی شد

خبرگزاری دید: بدنبال تیراندازی در شهر کراچی پاکستان،دو تبعه چینایی زخمی شد. به گفته منابع محلی، این حادثه ناشی از تیراندازی یک نگهبان در یک کارخانه نساجی رخ داده است.

پس از این حادثه که امروز (۱۵ عقرب) رخ داد، کامران خان تیسوری، فرماندار ایالت سند، از رئیس پلیس کراچی خواست تا امنیت شهروندان خارجی را تأمین کند.

طی ماه‌های اخیر حملات بر شهروندان چینایی در پاکستان شدت گرفته است. با اینحال، مقامات پکن همواره خواستار تأمین امنیت شهروندان خود از سوی دولت پاکستان شده است.