آغاز رزمایش ۴ روزه روسیه و تاجیکستان در مرز افغانستان

روسیه و تاجیکستان روز گذشته تمرینات مشترک نظامی را در نزدیکی مرز افغانستان آغاز کردند تا برای حملات بالقوه طالبان آمادگی بگیرند.

روسیه و تاجیکستان روز گذشته تمرینات مشترک نظامی را در نزدیکی مرز افغانستان آغاز کردند تا برای حملات بالقوه طالبان آمادگی بگیرند.
وزارت دفاع تاجیکستان گفته است که بیش از ۱۰ هزار سرباز این کشور همراه با روسیه در این رزمایش نظامی شرکت می‌کنند.
به گفته وزارت دفاع تاجیکستان، نیروهای ترکیبی برای از بین بردن تروریست‌هایی که ممکن از افغانستان وارد شوند، تمرین می‌کنند.
رسانه‌های روسی گزارش داده‌اند که حدود ۴۰۰ سرباز و ۸۰ قطعه تجهیزات نظامی روسیه از یک پایگاه نظامی در تاجیکستان برای شرکت در این مانور که تا روز جمعه ادامه می‌یابد، اعزام شده‌اند.
این رزمایش در آن طرف مزر ولایت بدخشان برگزار خواهد شد.
روسیه و تاجیکستان در حالی رزمایش مشترک نظامی برگزار می‌کنند که کرملین بارها نسبت به فعالیت‌های گروه‌های تروریستی در شمال افغانستان ابراز نگرانی کرده است.
گفتنی است که این اولین بار نیست که دو کشور در نزدیک مرز افغانستان مانور نظامی برگزار می‌کنند.
روسیه کنترول مرزهای تاجیستان را به دست گرفته و با نیروهای دفاعی این کشور همکاری نظامی می‌کند.