آغاز کمپاین واکسین «سرخکان» در ۲۰ ولایت کشور

وزارت صحت عامه اعلام کرده است که قرار است کمپاین تطبیق واکسین سرخکان در ۲۰ ولایت کشور امروز شنبه ۱۰ سنبله آغاز می‏‌شود.
به گزارش خبرگزاری دید، دستگیر نظری رییس معافیت کتلوی وزارت صحت عامه به رسانه ها گفته که این کمپاین برای ده روز ادامه خواهد یافت.
آقای نظری افزوده که کمپاین واکسین سرخکان در دور اول در ولایت‌های بدخشان، بادغیس، غور، بامیان، خوست، غزنی، کابل، کاپیسا، لوگر، نورستان، پکتیکا، پکتیا، پنجشیر، پروان، سرپل، میدان وردک و دایکندی تطبیق می‌شود.
در این دور واکسین سرخکان، قرار است ۱۴ میلیون کودک ۹ ماهه تا ۱۰ ده ساله واکسین شود.