امامعلی رحمان: کارعملی ساخت دهلیز تجاری چین-تاجیکستان-افغانستان آغاز شود
خبرگزاری دید: امامعلی رحمان، رییس جمهور تاجیکستان پس از دیدار با شی جینگ پینگ رئیس جمهور چین با اشاره بر اهمیت گسترش ارتباطات و تجارت منطقه ای، خواستار شروع کار عملی ساخت جاده و خط آهن در امتداد ” دهلیز تجاری چین – تاچیکستان – افغانستان شد.
![امامعلی رحمان خواهان آغاز کار عملی دهلیز تجاری چین-تاجیکستان-افغانستان شد](/wp-content/uploads/2024/07/Untitled-45.jpg)
آقای رحمان در نشست خبری گفته است: «ما همچنین پیشنهاد میکنیم اقدامات عملی برای ساخت مسیرهای جادهای و ریلی در امتداد دهلیز تجاری چین-تاجیکستان-افغانستان، برای گسترش ارتباطات و تجارت منطقهای انجام شود».
وی با تاکید بر ساخت جاده مرزی منطقه «کالای خمب-وانچ-روشون» افزوده است که این مسیر دهلیز ترانزیتی چین-تاجیکستان-ازبیکستان-ترکمنستان-ایران-ترکیه را تقویت میکند.
گفتنی است که پس تسلط طا-لبان بر افغانستان، تاجیکستان همواره نگرانی خود را در مورد افزایش تهدیدات تروریستی و قاچاق موادمخدر از افغانستان، ابراز کرده است.
رییس جمهور دو کشور چین و تاجیکستان در یک بیانیه مشترک بر ضرورت تشکیل دولت فراگیر در افغانستان نیز تاکید کرده است.