برگزاری نشست وزرای خارجه آسیای میانه، هند و افغانستان در سمرقند

نخستین نشست وزرای خارجه کشورهای آسیای مرکزی، هند و افغانستان به زودی در سمرقند، یکی از شهرهای ازبیکستان، برگزار خواهد شد.

جهان / آخرین خبر / سیاسی / سلاید/ خبرهای مهم
نخستین نشست وزرای خارجه کشورهای آسیای مرکزی، هند و افغانستان به زودی در سمرقند، یکی از شهرهای ازبیکستان، برگزار خواهد شد.
به نقل از خبرگزاری ترند، وزرای خارجه کشورهای آسیای مرکزی، افغانستان و هند در ۱۲ و ۱۳ جنوری سال ۲۰۱۹ میلادی در سمرقند گردهم خواهند آمد.
به شمول وزیر خارجه کشور ما، وزرای خارجه هند، ازبیکستان، تاجیکستان، ترکمنستان، قرقیزستان و معاون وزیر خارجه قزاقستان در این نشست حضور خواهند داشت.
گفتنی است که شرکت کنندگان این نشست پیرامون افزایش همکاری‌های تجاری، توسعه تراسپورت و لوجیستیک، جذب سرمایه گذاری در سکتورهای مهم صنعت، انرژی، تکنالوجی معلوماتی، صحت، زراعت و همچنان همکاری‌ها در رابطه به فرهنگ، گردشگری، علوم و معارف بحث و تبادل نظر خواهند کرد.