تاجیکستان خواستار تشکیل دولت فراگیر در افغانستان شد

خبرگزاری دید: رییس جمهور تاجیکستان در اجلاس شورای همکاری خلیج فارس و آسیای مرکزی بر تشکیل دولت فراگیر با اشتراک تمام مردم افغانستان تاکید کرده است.

امامعلی رحمان رییس جمهور تاجیکستان در اجلاس سران کشور‌های عرب با اشاره به تضمین حقوق و آزادی همه اقوام و زنان در افغانستان خواهان تشکیل دولت فراگیر در این کشور شد.

نشست اجلاس سران کشور‌های عرب و آسیای میانه روز گذشته در شهر جده با میزبانی محمد بن سلمان ولیعهد عربستان سعودی برگزار شد.

در این نشست، سران کشور‌‌های مختلف شامل قزاقستان، قیرقیزستان، تاجیکستان، ترکمنستان، قطر و شماری دیگر از حاکمان عرب حضور داشتند.

امامعلی رحمان رییس جمهور تاجیکستان ایجاد حکومت فراگیر در افغانستان را زمینه برقرای صلح در این کشور خوانده و تاکید کرده که این کشور از ایجاد دولت فراگیر در افغانستان حمایت خواهد کرد.

این نشست به منظور تقویت همکاری‌ها در جده عربستان سعودی دایر شد.

گفتنی است که خواست‌ها برای تشکیل دولت همه‌شمول در افغانستان بیشتر شده است.