تاجیکستان درخواست پناهندگی افغان‌ها را از سر گرفت

خبرگزاری دید: حکومت تاجیکستان اعلان کرده است که این کشور روند رسیدگی به درخواست پناهندگی مردم افغانستان را از سر گرفته است.

مقام‌های تاجیکستان به تازگی اعلان کردند که این کشور روند درخواست پناهندگی مردم افغانستان را آغاز کرده است.
در ماه اگست سال گذشته، وقتی افغانستان به دست طا-لبان افتاد و صدها افغان به تاجیکستان پناه بردند، این کشور روند بررسی درخواست‌های پناهندگی را متوقف کرد.
بر بنیاد گزارش‌ها، بیش از ۱۴ هزار پناه‌جوی افغانستان هم اکنون در تاجیکستان به سر می‌برند.
بر اساس قوانین پناهندگی تاجیکستان، متقاضیان پناهندگی افغان نخست یک کارت سبز با اعتبار سه ماهه دریافت می‌کنند، سپس، در صورت قبولی درخواست، به متقاضیان یک کارت سرخ داده می‌شود که دارنده آن به طوری رسمی پناهنده شناخته می‌شود.