آخرین اخبارسیاستمنطقه
تاجیکستان در مرز افغانستان رژه نظامی انجام داد
خبرگزاری دید: نیروهای مسلح تاجیکستان در حضور امامعلی رحمان رییس جمهور این کشور در نزدیکی مرز افغانستان رژه نظامی اجرا کردند.
این رژه نظامی دو روز پیش (دوشنبه ۵ میزان) با مشارکت نزدیک به دو هزار نیروی نظامی زمینی و مرزی انجام شده است.
رییس جمهور تاجیکستان به نظامیان کشورش گفته که برای خدمت به کشورشان هر لحظه آماده باشند.
تاجیکستان و کشورهای آسیای میانه نگران نفوذ عناصر داعش در کشورشان هستند.
این کشورها دولت طالبان را هم هنوز به رسمیت نمی‌شناسند و می‌گویند دولت طالبان فراگیر نیست.
امامعلی رحمان چندی قبل گفت تاجیکستان در امور داخلی افغانستان دخالتی نمی‌کند؛ اما همه طرف‌ها باید در دولت افغانستان حضور داشته باشند. طالبان موضع او را دخالت در مسائل افغانستان خواندند و تاجیکستان را نیز تهدید کردند.
