تاجیکستان گفته‌های نیکلسون را بی‌اساس خواند

وزارت امور خارجه تاجیکستان اظهارات مقام نظامی امریکا مبنی بر ارسال تجهیزات نظامی برای طالبان از مرز تاجیکستان را رد کرد.
وزارت امور خارجه تاجیکستان طی بیانیه‌ای اظهارات اخیر جان نیکلسون، فرمانده نیروهای امریکایی در افغانستان مبنی بر انتقال تجهیزات نظامی از طریق مرزهای تاجیکستان به گروه طالبان را رد و آن را بی‌اساس دانست.
در بیانیه وزارت امور خارجه تاجیکستان هم‌‌چنین تصریح شده که این کشور با حمایت از حل مسالمت‌آمیز مناقشه در افغانستان، هرگز به طرف ثالث اجازه استفاده از خاک خود را نداده و هیچ‌گاه مشروعیت گروه طالبان را نپذیرفته است.
گفتنی است فرمانده نیروهای امریکایی در افغانستان اخیرا در گفت‌وگو با شبکه بی بی سی اعلام کرد که روسیه در تمرینات نظامی مشترک با تاجیکستان در نزدیکی مرزهای افغانستان، بخشی از تجهیزات نظامی را به طالبان تحویل داده است.