حقانی در دیدار با کاردار نمایندگی اتحادیه اروپا خواستار عضویت در نهادهای مهم بین‌المللی شد
خبرگزاری دید: سراج‌الدین حقانی در دیدار با رافائلا یودیچه کاردار نمایندگی اتحادیه اروپا در افغانستان، خواستار عضویت حکومت سرپرست در نهادهای جهانی شده است.
سراج‌الدین حقانی روز چهارشنبه(۲۷ جدی) به رافائلا یودیچه گفته، با عضویت افغانستان تحت اداره طا-لبان در این نهادها «حل‌وفصل مسائل آسان می‌شود».
برپایه بیانیه وزارت داخله، حقانی گفته با عضویت حکومت سرپرست در نهادهای بین‌المللی «افغان‌ها نمایندگی واقعی» خود را به‌دست می‌آورند.
حکومت سرپرست را هیچ کشوری به رسمیت نمی‌شناسد و در نشست‌های سازمان‌های بین‌المللی از جمله ملل متحد نیز دعوت نشده است.
در بخشی از این بیانیه به نقل از وزیر داخله آمده: «افغانستان پس از دهه‌ها بی‌ثباتی به‌سرعت به سوی ثبات سیاسی و اقتصادی گام برمی دارد».
براساس بیانیه، رافائلا یودیچه در این دیدار در مورد نشست آتی کشورهای دخیل در مسئله افغانستان در دوحه نیز صبحت کرده که گفته می‌شود قرار است در ماه آینده برگزار شود.
