دیدار حمدالله محب با سفیر تاجیکستان در محور همکاری‌های امنیتی
شورای امنیت ملی کشور خبر داده که حمدالله محب مشاور امنیت ملی کشور با شرف‌الدین امام سفیر تاجیکستان در کابل دیدار داشته و دو طرف روی همکاری‌های دوجانبه و مبارزه با تروریزم تاکید نموده‌اند.
شورای امنیت ملی کشور خبر داده که حمدالله محب مشاور امنیت ملی کشور با شرف‌الدین امام سفیر تاجیکستان در کابل دیدار داشته و دو طرف روی همکاری‌های دوجانبه و مبارزه با تروریزم تاکید نموده‌اند.
به گزارش خبرگزاری دید، حمدالله محب مشاور امنیت ملی کشور در این دیدار گفته است که افغانستان به تاجیکستان به مثابه یک کشور همسایه نزدیک دیده و به منظور افزایش دستاوردها در هر بخش آماده توسعه همکاری‌ها می‌باشد.
آقای محب با اشاره به روابط امنیتی، سیاسی و تجارتی افغانستان – تاجیکستان اطمینان داده است که افغانستان در این راستا جدی و صادق می‌باشد.
سفیر تاجیکستان در کابل گفته است که هماهنگی و همکاری میان هر دو کشور می‌تواند افزایش دستاوردها در بخش‌های مختلف را مطمئن سازد.
وی دستاوردهای نیروهای مسلح ملی افغانستان را در جنگ علیه تروریزم نیز ستایش نموده و گفته است که کشورش آماده توسعه همکاری دو جانبه در این راستا می‌باشد.
