دیدار حمدالله محب با سفرای کشورهای منطقه

شورای امنیت ملی کشور از دیدار حمدالله محب مشاور امنیت ملی با سفرای چین، ازبیکستان، تاجیکستان، ترکمنستان و قرقیزستان خبر داد.

شورای امنیت ملی کشور از دیدار حمدالله محب مشاور امنیت ملی با سفرای چین، ازبیکستان، تاجیکستان، ترکمنستان و قرقیزستان خبر داد.
به گزارش خبرگزاری دید، داکتر حمدالله محب مشاور امنیت ملی و محمد معصوم ستانکزی رییس عمومی امنیت ملی کشور قبل از ظهر امروز پنج شنبه (۲۷ جدی) در قصر دلکشا با سفرای چین، ازبیکستان، تاجیکستان، ترکمنستان و قرقیزستان مقیم کابل دیدار کرده و پیرامون مبارزه مشترک علیه تروریزم و تقویت همکاری‌های منطقه‌ای بحث و‌ تبادل نظر کردند.
شورای امنیت ملی در بیانیه‌ای گفته است:« سفرای کشورهای چین، ازبیکستان، تاجیکستان، ترکمنستان و قرقیزستان از تلاش‌های حکومت افغانستان در راستای مبارزه با تروریزم قدردانی کرده و تاکید ورزیدند که آماده هرنوع همکاری با افغانستان در این خصوص‌ می‌باشند.»
این دیدار پس از آن صورت می‌گیرد که حمدالله محب مشاور امنیت ملی کشور به تازه‌گی از چین، هند، امارات متحده عرب و عربستان سعودی دیدار کرده و پیرامون صلح و ثبات در منطقه بحث و تبادل نظر کرده بود.