دیدار رئیس امنیت ملی تاجیکستان با طالبان در کابل

خبرگزاری دید: سید مومن یتیموف، رئیس کمیته دولتی امنیت ملی تاجیکستان در سفر به کابل با مقام‌های استخبارات طالبان دیدار کرده است.

منابع دیپلوماتیک می‌گویند: این مقام امنیتی تاجیکستان به کابل سفر کرده و با مقام‌های طالبان درباره تقویت روابط تاجیکستان با طالبان مذاکره کرده است.

منابع دیپلماتیک می گویند: که مومن یتیموف بلندترین مقام استخباراتی تاجیکستان است، به دستور امامعلی رحمان، رئیس‌جمهور این کشور به کابل رفته است.

او پس از بازگشت به دوشنبه سفر خود را «پر محتوی» تعریف کرده است.

پس از تسلط دوباره طالبان بر افغانستان، شماری از نظامیان پیشین و مخالفان سیاسی طالبان به تاجیکستان پناه بردند. در حال حاضر شماری از رهبران جبهه مقاومت ملی افغانستان در تاجیکستان زندگی می‌کنند.