آخرین اخبارافغانستانامنیت و حوادث
رهایی ۳۰ شهروند افغانستان از زندان‌های پاکستان
خبرگزاری دید: سفارت افغانستان در پاکستان می‌گوید که ۳۰ شهروند افغانستانی از زندنی در شهر کراچی پاکستان آزاد شده است.
این شهروندان افغان روز گذشته (دوشنبه ۱۶ عقرب) از زندان‌های پاکستان آزاد شده و به افغانستان انتقال یافته‌اند.
این شمار از شهروندان افغانستان به دلیل نداشتن اسناد قانونی اقامت از سوی پولیس پاکستان بازداشت شده بودند.
سفارت افغانستان در پاکستان که زیر اداره طا-لبان است، می‌گوید که این افراد در نتیجه تلاش‌های دیپلماتیک آزاد شده‌اند.
پیشتر گزارش شد که صدها شهروند افغانستان به‌شمول زنان و کودکان به دلیل نداشتن اسناد قانونی اقامت، در زندان‌های پاکستان به‌سر می‌برند.
روز گذشته نیز حامد کرزی رییس جمهور پیشین کشور گفت که ۱۱ صد شهروند افغانستان در زندان‌های پاکستانی به سر می‌برند.
