رهبران تاجیکستان و پاکستان در باره افغانستان رایزنی کردند

خبرگزاری دید: روسای جمهور تاجیکستان و پاکستان در ترکمنستان پیرامون روابط دوجانبه، موضوعات مورد علاقه و اوضاع افغانستان تبادل نظر کردند.
به نقل از رادیو پاکستان، عارف علوی رییس جمهور پاکستان امروز یکشنبه(۷ قوس) در عشق‌آباد ترکمنستان دیدار کرده و در مورد تقویت روابط دوجانبه گفت‌وگو کردند.

دو جانب با تأکید بر اهمیت تعمیق روابط تجاری و سرمایه‌گذاری، روی تطبیق پروژه کاسا-۱۰۰۰ نیز صحبت کرده‌ است.
دو رهبر همچنین به گونه مفصل در باره چالش‌های منطقه‌ای ناشی از وخیم‌شدن اوضاع انسانی در افغانستان رایزنی کرده‌اند.
رییس جمهور پاکستان با قدردانی از تلاش‌های تاجیکستان جهت مهار بحران بشری در افغانستان، بر ضرورت فراگیر بودن حکومت، احترام به حقوق تمام افغان‌ها و تضمین این‌که از خاک افغانستان علیه سایر کشورها استفاده نشود، تأکید کردند.
دو طرف همچنان بر تلاش‌های دو کشور برای برقراری صلح و ثبات در افغانستان پافشاری کردند.
گفتنی است که این دیدار در حاشیه پانزدهمین اجلاس سازمان همکاری‌های اقتصادی در ترکمنستان صورت گرفته است.