آخرین اخبارافغانستانمنطقه
روابط دیپلوماتیک افغانستان و تاجیکستان بیست‌وپنج ساله شد
رییس‌جمهور تاجیکستان در پیامی به رییس‌جمهور غنی فرارسیدن بیست‌وپنجمین سالگرد برقراری روابط دیپلوماتیک میان دوشنبه و کابل را به وی تبریک گفت.
به گزارش پایگاه اطلاع رسانی نهاد ریاست جمهوری تاجیکستان، امامعلی رحمان٬ رییس‌جمهور این کشور طی پیامی به آقای غنی، فرا رسیدن بیست‌وپنجمین سالگرد برقراری روابط دیپلوماتیک میان دوشنبه و کابل را به دولت‌ها و ملت‌های دو کشور تبریک گفت.
خبرگزاری آناتولی نوشته است: رییس‌جمهور تاجیکستان از روند رشد و تحکیم روابط دوستانه و همکاری های گسترده میان دو کشور در عرصه های مختلف ابراز خرسندی کرده و گفت: توسعه و تحکیم این روابط و همکاری از چشم انداز منطقه ای استراتژی دولت تاجیکستان است.
