روسای جمهور روسیه و تاجیکستان در باره تقویت امنیت مرزی با افغانستان رایزنی کردند

خبرگزاری دید: ولادیمیر پویتن رییس جمهور روسیه و امام علی رحمان رییس جمهور تاجیکستان در باره تقویت نوار مرزی با افغانستان از طریق تیلفون گفت‌وگو کردند.

به نقل از خاور خبرگزاری دولتی تاجیکستان، رهبران کشورهای روسیه و تاجیکستان روز سه‌شنبه(۱۳ میزان) طی تماس تیلفونی با تأکید بر امنیت منطقه، بر تقویت مادی و فنی حفاظت از مرز تاجیکستان با افغانستان تأکید کرده‌اند.
افزون بر این، رییس جمهور روسیه در این تماس تولد امام‌علی رحمان را به وی تبریک گفته است.
پوتین و رحمان توافق کرده‌اند که در مورد وضعیت افغانستان به تماس‌های منظم خود ادامه دهند.
روسیه پیش‌تر از افزایش تنش‌ها بین تاجیکستان و طالبان ابراز نگرانی کرده بود.