رییس جمهور غنی: افغانستان با هجوم تروریزم مواجه است

محمد اشرف غنی رییس جمهور کشور می‌گوید که افغانستان دچار هجوم تروریزم بین‌المللی شده است.

به گزارش خبرگزاری دید: محمد اشرف غنی رییس جمهور کشور امروز دوشنبه (۴ اسد) می‌گوید که افغانستان با هجوم تروریزم بین‌المللی مواجه است.
او این مطلب را در جلسه آمادگی بورد مشترک نظارت و انسجام (JCMB) بیان کرده ‌است.
رییس جمهور: « ماحول تغییر کرده است، با هجوم تروریزم بین‌المللی مواجه هستیم، اما مردم اطمینان داشته باشند که جمهوریت حفظ می‌شود و جامعه جهانی در کنار افغانستان ایستاده‌اند».
این اظهارات در حالی مطرح می‌شود که بیست‌و‌هشتمین گزارش تیم تحلیل و نظارت کمیته تحریم‌های شورای امنیت ساز‌مان ملل، بار دیگر تداوم روابط طالبان با گروه‌های تروریستی بین‌المللی به‌شمول القاعده را تأیید کرده است.