نخست وزیر اوزبیکستان وارد کابل شد

خبرگزاری دید: «عبدالله نعمتوویچ عارف اف» نخست وزیر اوزبیکستان، امروز شنبه به همراه هیئتی بلندپایه وارد کابل شد.

وی در فرودگاه بین‌المللی کابل مورد استقبال عبدالسلام حنفی، معاون اداری نخست‌وزیر، نورالدین عزیزی، وزیر صنعت و تجارت طالبان و احمدالله زاهد، معاون این وزارت قرار گرفت.

هدف از این سفر، شرکت در نشست مشترک اقتصادی و تجاری افغانستان و اوزبیکستان و همچنین افتتاح نمایشگاهی از محصولات و تولیدات این کشور است.

قرار است امروز نشست تجارتی دو جانبه میان کشورهای افغانستان و جمهوری اوزبیکستان در کابل برگزار شود و نمایشگاه دو روزه‌ی محصولات و تولیدات اوزبیکستانی در مرکز نمایشگاه بین‌المللی افغانستان گشایش یابد.