نشست نمایندگان ویژه کشورهای همسایه در باره افغانستان به میزبانی تاشکند

خبرگزاری دید: وزارت خارجه ازبیکستان می‌گوید که تاشکند میزبان نخستین نشست نمایندگان ویژه کشورهای همسایه افغانستان است.

نشست نمایندگان ویژه کشورهای همسایه افغانستان امروز سه‌شنبه(۱۶ حوت) به میزبانی ازبیکستان دایر می‌شود.

وزارت خارجه ازبیکستان اعلان کرده است که در این نشست، نمایندگانی از ازبیکستان، ایران، چین، پاکستان، روسیه، تاجیکستان و ترکمنستان حضور خواهند داشت.

قرار است اشتراک‌کنندگان در باره وضعیت کنونی افغانستان، موضوعات تعامل طرفین برای حل وضعیت این کشور و ایجاد صلح و ثبات بلندمدت و همچنین ارایه کمک‌های بشردوستانه به مردم افغانستان بحث و تبادل نظر کنند.