وزارت خارجه: هیئتی از کنسولگری افغانستان در خاروخ تاجیکستان دیدن کرده است
خبرگزاری دید: وزارت خارجه امارت اسلامی می‌گوید که هیئتی از این وزارت از کنسولگری افغانستان در خاروخ تاجیکستان دیدن کرده است.
عبدالقهار بلخی سخنگوی وزارت خارجه امارت اسلامی روز شنبه (۵ حمل) با نشر توییتی گفته که هیئتی از این وزارت به ریاست حاجی محمد موسی امیری رییس مالی و اداری وزارت خارجه از کنسولگری افغانستان در خاروخ، مرکز بدخشان تاجیکستان دیدن کرد.
او همچنین گفته که این هیئت ضمن ارزیابی امور کنسولگری، وضعیت ساختمان آن را که بر اثر برف‌کوچ آسیب دیده نیز از نزدیک بررسی کرده است.
او افزوده است که هیئت نتیجه بررسی خود را برای بازسازی ساختمان کنسولگری افغانستان در خاروخ با وزارت خارجه شریک کرده است.
دولت تاجیکستان تاکنون در این زمینه چیزی نگفته است.
این در حالی است که تاجیکستان تنها کشور همسایه افغانستان است که دیپلمات‌های طا-لبان را تاکنون نپذیرفته و با آن‌ها روابط رسمی ندارد.
