پشتیبانی چین و تاجیکستان از تشکیل حکومت “فراگیر” در افغانستان
خبرگزاری دید: کشور های چین و تاجیکستان با صدور بیانیه مشترک حمایت شان را از تشکیل حکومت فراگیر در افغانستان اعلام کردند.
![](/wp-content/uploads/2024/07/چین-و-تاجکستان-1024x614.jpeg)
به نقل از شینهوا، چین و تاجیکستان روز گذشته در بیانیهای مشترک از ایجاد حکومت فراگیر با حضور نمایندگان تمامی گروههای قومی، مذهبی و سیاسی در افغانستان حمایت کردند.
بر بنیاد این بیانیه مشترک، رهبران دو کشور بار دیگر تاکید کردند که افغانستان مستقل، بیطرف، متحد، فراگیر و صلحآمیز که عاری از تروریزم، جنگ و مواد مخدر باشد و در صلح و هماهنگی با همسایگان خود زندگی کند، در راستای منافع مشترک مردم افغانستان و همه کشورهای منطقه خواهد بود.
این بیانیه مشترک در جریان سفر رسمی شی جین پینگ رییس جمهور چین به تاجیکستان صادر شد.
رهبران دو کشور پیش از آن در اجلاس سران سازمان همکاری شانگهای در قزاقستان نیز حضور داشتند.
سران سازمان شانگهای پساز برگزاری اجلاس در آستانه در بیانیه مشترک بر تشکیل حکومت فراگیر در افغانستان پافشاری کردند.
گفتنی است که کشورهای منطقه همزمان با تعامل با حکومت سرپرست طا-لبان خواست شان را برای تشکیل دولت فراگیر و رعایت حقوق بشر در افغانستان تکرار کردهاند.