پیشنهاد ازبیکستان برای تشکیل گروه بین‌المللی در مورد افغانستان
خبرگزاری دید: رییس جمهور ازبیکستان پیشنهاد داده است تا به منظور دستیابی به اجماع گسترده در رابطه به افغانستان، گروه بین‌المللی تشکیل شود.
شوکت میرضیایف رییس جمهور ازبیکستان در نشست تعامل و اقدامات اعتمادساز در آسیا (سیکا) که به تازگی به میزبانی قزاقستان دایر شد، پیشنهاد داده است تا در مورد افغانستان گروه بین‌المللی ایجاد شود.
میرضیایف گفته است: به منظور دستیابی به اجماع گسترده در مورد مسایل افغانستان و اقدامات عملی در سطح جهانی، ما پیشنهاد می‌کنیم که امکان حضور مشترک کشورهای آسیایی در مجمع عمومی سازمان ملل متحد با ابتکار ایجاد یک گروه بین‌المللی از مذاکره‌کنندگان سطح بالا به منظور ترتیب و هماهنگی با مقامات افغان تشکیل شود؛ میکانیزمی که طرفین را قادر می‌سازد به تدریج تعهدات خود را عملی کنند.
گفتنی است که ازبیکستان به تازگیز میزبان کنفرانس بین‌المللی در رابطه به افغانستان نیز بود.
